औंध :
रयत शिक्षण संस्थेच्या डॉ. बाबासाहेब आंबेडकर महाविद्यालयातून पदवी घेऊन बाहेर पडलेल्या व विविध क्षेत्रात कार्यरत असणाऱ्या माजी विद्यार्थ्यांचा स्नेहमेळावा रविवार दिनांक 26/12/2021 रोजी सकाळी दहा वाजता आयोजित करण्यात आला आहे.
माजी विद्यार्थी संघटनेचे अध्यक्ष विकास रानवडे यांनी सर्व माजी विद्यार्थ्यांना आव्हान करताना सांगितले की, बऱ्याच वर्षानंतर महाविद्यालयातील आपल्या जुन्या मित्रांना भेटण्याची सुवर्णसंधी माजी विद्यार्थी मेळाव्याच्या निमित्ताने मिळणार आहे. परत एकदा महाविद्यालयीन आठवणीत रमण्यासाठी सर्व माजी विद्यार्थ्यांनी आपल्या धावपळीच्या दैनंदिन जीवनामध्ये काही क्षण जुन्या आठवणींना द्यावेत. या मेळाव्यास आवर्जून उपस्थित राहावे.
याप्रसंगी प्राचार्य डॉ. संभाजी शिंदे व माजी विद्यार्थी संघटनेचे अध्यक्ष कुस्ती प्रशिक्षक विकास काका रानवडे विद्यार्थ्यांशी संवाद साधणार आहेत. तरी या मेळाव्यात सर्व माजी विद्यार्थ्यांनी उपस्थित राहावे, असे आवाहन डॉ. बाबासाहेब आंबेडकर महाविद्यालयाचे प्राचार्य डॉ. अरुण आंधळे व माजी विद्यार्थी विभागाचे समन्वयक डॉ. राजेंद्र रासकर यांनी केले आहे.
