देशभर कोरोनाने चांगलाच धुमाकूळ घातला. परंतु आता कुठे ही रुग्ण वाढीची आकडेवारी कमी झाली आहे. परंतु यामुळे आर्थिक व्यवस्था पूर्णतः ढासळून गेली आहे. परंतु असे असतानाही बँकिंग क्षेत्रासाठी कोरोना कालावधी चांगला असल्याचे सिद्ध झाले आहे.
आर्थिक वर्ष 2021 मध्ये बँकिंग क्षेत्रास 1,02,252 कोटी रुपयांचा नफा झाला, तर उलटपक्षी कोरोना साथीच्या काळात अर्थव्यवस्थेला या काळात संघर्ष करावा लागला. यापूर्वी सन 2019 च्या आर्थिक वर्षात बँकिंग उद्योगाला सुमारे 5 हजार कोटी रुपयांचे नुकसान सहन करावे लागले होते.
बँकिंग उद्योगातील नफ्यामध्ये एचडीएफसी बँक आणि एसबीआयचा अर्धा वाटा आहे.
एकूण नफ्यात एचडीएफसी बँकेचा वाटा 31,116 कोटी रुपये किंवा 30 टक्के होता, जो आर्थिक वर्ष 19 च्या तुलनेत 18 टक्क्यांनी वाढ झाली आहे. या कालावधीत देशातील सर्वात मोठी बँक एसबीआयची हिस्सेदारी 20,410 कोटी रुपये किंवा 20 टक्के आहे.
या कालावधीत आयसीआयसीआयचा नफा 16,192 कोटी रुपये झाला जो मागील आर्थिक वर्षांच्या तुलनेत दुप्पट आहे. सार्वजनिक क्षेत्रातील बँकांत कर्ज देण्याची गती कमी होती आणि याचा फायदा खासगी बँकांना मिळाला.
सरकारी बँकांना फायदा :- सर्वात जास्त फायदा सरकारी बँकांना झाला . 5 वर्षात प्रथमच ते कलेक्टिव नेट प्रॉफिटमध्ये होते. सार्वजनिक क्षेत्रातील 12 बँकांपैकी केवळ दोन बँका पंजाब अँड सिंध बँक आणि सेंट्रल बँक ऑफ इंडिया तोट्यात राहिल्या आहेत. खासगी क्षेत्रातील बँकांमध्ये येस बँकेचे 3,462 कोटी रुपयांचे नुकसान झाले.
तथापि, तोट्यात काम करणार्‍या बँकांचा तोटा मागील वर्षाच्या तुलनेत कमी होता. बॅड कर्जाच्या समस्येपासून मुक्ततेमुळे सरकारी बँका नफ्यात आल्या. गेल्या आर्थिक वर्षात त्याचे 26,015 कोटी रुपयांचे नुकसान झाले आणि यावेळी त्यांना 31,817 कोटी रुपयांचा नफा झाला.
