मुंबई:
मुळशी पॅटर्न या चित्रपटाची मराठी मनोरंजनसृष्टीत खूप चर्चा झाली. शेतकऱ्यावर आधारीत असलेला हा चित्रपट महाराष्ट्रात चांगलाच गाजला. लेखक-दिग्दर्शक-अभिनेता प्रवीण तरडेनं या सिनेमाचं दिग्दर्शन केलं होतं. मुळशी पॅटर्न’च्या रिमेकचं नाव ‘अंतिम : द फायनल ट्रूथ’ असं देण्यात आले आहे. नुकताच या चित्रपटाचा फर्स्ट लूक शेअर करण्यात आला आहे. या बहुचर्चित चित्रपटाचा हिंदी रिमेक सलामान खान यानं आणला आहे. सल्लू आणि आयुष शर्मा यात स्क्रीन शेअर करत आहेत.
चित्रपटाचा फर्स्ट लूक सध्या सोशल मीडियावर व्हायरल झाला आहे. शेअर करण्यात आलेल्या सलमानचा अनोखा लूक देखील चाहत्यांच्या पसंतीस उतराला आहे. शेअर करण्यात आलेल्या ३५ सेकंदाच्या टिझरमध्ये सलमान आणि आयुष यांच्या अॅक्शन सीनची झलक दाखवण्यात आली आहे. आयुषनं देखील त्याच्या लुकसाठी मेहनत घेतल्याचं पाहायला मिळत आहे.
‘अंतिमा’ चित्रपटाच्या स्क्रीप्टनुसार मराठी शिकणं आवश्यक असल्यानं त्यानं मराठीचे धडे गिरवले. ‘मराठी शिकण्यासाठी मी अनेक व्हिडिओ पाहिले त्याबरोबरच मराठी पुस्तकं वाचण्याचाही प्रयत्न केलै’, असं आयुष सांगतो.
प्रवीण तरडे यांचा ‘मुळशी पॅटर्न’ हा चित्रपट चांगला चालला. राज्यभरात चांगली कमाई केलेल्या असलेल्या या सिनेमाचं खास स्क्रीनिंग सुपरस्टार सलमान खान आणि अरबाज खान यांच्यासाठी ठेवण्यात आलं होतं. चित्रपटाचे डिओपी महेश लिमये यांच्या शब्दाखातर ते हा चित्रपट पाहण्यासाठी आले होते. हा चित्रपट पाहिल्यानंतर त्यांनाही तो प्रचंड आवडला. चित्रपटात दाखवण्यात आलेला शेतकऱ्यांचा विषय त्यांना आवडल्यामुळे ‘मुळशी पॅटर्न’ ते हिंदीमध्ये घेऊन आले आहेत.
Antim begins..#AntimFirstLook – https://t.co/4VWQwDpsmJ#AayushSharma @manjrekarmahesh @SKFilmsOfficial
— Salman Khan (@BeingSalmanKhan) December 21, 2020
