पुणे :

पुणे महानगरपालिका (पीएमसी) सध्या ‘नदी पुनरुत्थान प्रकल्पा’साठी बंड गार्डनजवळील नदीकाठावरील नैसर्गिक हिरवळ नष्ट करत आहे. पर्यावरणाच्या प्रश्नावर काम करणाऱ्या पुण्यातील विविध संस्था आणि व्यक्तींनी एकत्र येऊन या कृत्याचा निषेध केला आहे.

नदी पुनरुज्जीवन प्रकल्पाच्या पीएमसीच्या तपशीलवार प्रकल्प अहवालात (डीपीआर) दावा करण्यात आला आहे की, प्रकल्पाच्या नियोजनात नदीकाठावरील सध्याची झाडे सामावून घेण्यात आली आहेत. परंतु प्रकल्पाचे प्रदर्शन करण्यासाठी बांधण्यात येत असलेल्या रिव्हरफ्रंटच्या 1 किमीच्या पट्ट्यात काही दुर्मिळ आणि जुन्या झाडांसह काही हजार झाडे तोडली जात आहेत. पीएमसीने सांगितले आहे की नुकसान भरपाई देणारे वृक्षारोपण केले जाईल आणि काही बाधित झाडांचे पुनर्रोपण देखील केले जाऊ शकते. तथापि, यासाठी वाटप करण्यात आलेली जमीन किंवा नुकसानभरपाईच्या वृक्षारोपणासाठी नियोजित वेळेबद्दल कोणताही तपशील उपलब्ध नाही. 30% पेक्षा कमी यशस्वी दरासह प्रत्यारोपण अप्रभावी असल्याचे सिद्ध झाले आहे. नदीकाठावरील जमीन साफ ​​केल्याने नदीच्या परिसंस्थेतील अधिवास आणि जैवविविधता देखील नष्ट होत आहे.

अलीकडेच हजारो पुणेकरांनी वेताळ टेकडीवरील नियोजित रस्ते आणि बोगद्यांचाही निषेध केला ज्यामुळे डोंगरातील पर्यावरणाचाही अपरिवर्तनीयपणे नाश होईल. हिरवळ आणि जैवविविधतेचे एकत्रित नुकसान हवामानातील बदल, उष्णतेच्या लाटा तीव्र होणे, पूर येणे आणि पाण्याची टंचाई निर्माण करणे, या सर्व गोष्टी पुण्यात गेल्या अनेक वर्षांपासून दिसून येत आहेत.

31 मार्च 2023 रोजी पीएमसीने राज्य सरकारच्या ‘माझी वसुंधरा’ मिशन अंतर्गत पर्यावरणासाठी केलेल्या कामाबद्दल आमचा गौरव केला. पीएमसीने आम्हाला ‘प्रयावरण दूत’ – पर्यावरणाचे दूत म्हटले आहे. मात्र, सर्रासपणे सुरू असलेल्या वृक्षतोडीला आक्षेप घेत आपल्या सर्वांसह अनेक नागरिकांनी पीएमसीला पाठवलेले संदेश याकडे पूर्णपणे दुर्लक्ष करण्यात आले आहे.

ज्या पद्धतीने हे विनाशकारी प्रकल्प लोकांच्या विरोधाला तोंड देऊन आणि हवामान बदल, वायू प्रदूषण कमी करणे आणि जैवविविधता संरक्षणाशी संबंधित आंतरराष्ट्रीय, राष्ट्रीय आणि राज्य धोरणांचे संपूर्ण उल्लंघन करत आहेत, ते पाहता, पर्यावरण राखणे आम्हाला अशक्य वाटते. त्याच प्राधिकरणाकडून मिळालेला पुरस्कार. आपली घटनात्मक चौकट आपल्याला काही जबाबदाऱ्याही देते. आम्ही सर्व कायद्याचे पालन करणारे आणि जबाबदार नागरिक आहोत आणि आम्ही कलम 51A (G) अंतर्गत, कलम 48 (A) अंतर्गत राज्याची पर्यावरण रक्षणाची नैतिक जबाबदारी आणि सुधारणा तसेच कलम 21 अंतर्गत- सर्वाना जगण्याचा अधिकार यासाठी आम्ही वचनबद्ध आहोत – हे जर शक्य होत नसेल तर हे पारितोषिक आम्ही निषेध म्हणून पीएमसी आयुक्त विक्रम कुमार यांनी आम्हाला दिलेला पुरस्कार परत करत आहोत. याबद्दल आम्हाला अतिशय खेद आणि दुख्ख होत आहे. पर्यावरण रक्षण आणि संवर्धन यासाठी आम्ही यापुढेही मनपाला सहकार्य करू. पण हा विनाश थांबायलाच हवा.

यासाठी लोकजागर म्हणून 29 एप्रिल रोजी सायंकाळी 5 वाजता संभाजी पार्क, डेक्कन जिमखाना, पुणे जवळ ‘चलो चिपको’ आंदोलनाच्या रूपात सर्रासपणे होणाऱ्या वृक्षतोडीच्या मुद्द्यावर आम्ही ‘जनसुनावणी’ आयोजित करत आहोत. आम्ही पुण्यातील सर्व नागरिकांना आवाहन करतो की त्यांनी या आंदोलनात सहभागी व्हावे आणि पुणे शहर आणि परिसरातील नैसर्गिक परिसंस्थेचे संपूर्ण संरक्षण करावे.

पारितोषिक परत करणारे सहभागी-

भूमी
राजीव पंडित – जीवधा
ओइकोस- केतकी घाटे
सत्य नारायण – ग्रीन अॅबेसेडर

वायु
रणजित गाडगीळ- परीसर

डाॅ. गुरुदास नूलकर

जल

शैलजा देशपांडे – जीवननदी

अनंत घरत – माझी पृथ्वी
डाॅ. हिमांशू कुलकर्णी- ACWADAM

अग्नी

अमिताव मल्लिक

वैशाली पाटकर

डॉ. प्रियदर्शिनी कर्वे – समुचित एन्व्हायरो

शिवम सिंग – सिंबायोसिस नेचर काॅजरवेशन इनिशिएटीव

पुणे :

वेताळ टेकडी पुण्याचा जिव्हाळ्याचा विषय आहे. त्याला धक्का लावण्याचे काम पुणे महापालिकेकडून होत आहे. पुणे महापालिका वेताळ टेकडीमधून दोन बोगदे, दोन रस्ते तयार करणार आहेत. त्यासाठी टेकडीला फोडणार आहेत. त्यामुळे टेकडीची जैवविविधता नष्ट होईल. तसेच भूजलावरही परिणाम होणार असल्याने नागरिक व पर्यावरणप्रेमींनी या प्रकल्पाला जोरदार विरोध म्हणून हजारो पुणेकर वेताळ टेकडीच्या संरक्षणासाठी एकत्र आले. महापालिकेने टेकडीवरील सर्व प्रस्ताव रद्द करावेत, अशी मागणी टेकडीप्रेमींनी रविवारी (दि.१ मे) सकाळी केली.

१ मे रोजी सकाळी साडेसात वाजता वेताळ टेकडीवर आपला मारुती मंदिरासमोर निषेध अभियान राबविण्यात आले. हजारो पुणेकर सहभागी झाले होते.

पीएमसीने वेताळ टेकडीवर एक नव्हे तर तीन विनाशकारी प्रकल्पांचे नियोजन केले आहे:

1. बालभारती पौड फाटा रस्ता – लॉ कॉलेज टेकडी उतारावरील पृष्ठभाग रस्ता,

2. HCMTR – लॉ कॉलेज टेकडी उतारावरील उन्नत रस्ता

3. सुतारधारा, पंचवटी आणि गोखलेनगर येथे बाहेर पडणारे दोन बोगदे.

या प्रकल्पांना निसर्ग प्रेमी पुणेकरांनी निषेध व्यक्त करत जोरदार विरोध दर्शवला आहे.

सार्वजनिक वाहतूक सक्षम करा

वाहतूक कोंडी कमी करण्यासाठी हे प्रकल्प असल्याचे पालिका म्हणते आहे. पण या प्रकल्पांमुळे कोंडीवर काहीच फरक पडणार नाही, त्यामुळे सार्वजनिक वाहतूक सक्षम केली, तरच त्यातून मार्ग निघेल, असे पर्यावरणप्रेमी पुष्कर कुलकर्णी, तुषार श्रोते, रवी सिन्हा, वैशाली पाटकर यांनी सांगितले.

लहान मुलांपासून ते वृद्ध स्त्री-पुरुषांपर्यंत सर्व वयोगटातील लोकांनी हे प्रकल्प कार्यान्वित झाल्यास उद्भवणाऱ्या विविध समस्यांचे चित्रण करणारे रंगीत पोस्टर्स हातात धरले होते. शहरी जंगले आणि गवताळ प्रदेश सिमेंट आणि काँक्रीटने बदलले तर त्यांच्या पिढीला हवामान बदलाच्या सर्वात वाईट परिणामांना सामोरे जावे लागेल म्हणून विशेषतः तरुणांना गंभीर चिंता आहे.

वेताळ टेकडी हे पुण्याच्या भूजलासाठीच्या तीन मुख्य पाणलोट समूहांपैकी एक आहे, कारण ACWADAM च्या 2019 मधील भूगर्भीय संशोधनात या पाणलोट क्षेत्रासाठी “कोणतीही तडजोड न करण्याची” शिफारस करण्यात आली आहे. रस्ते (पृष्ठभाग किंवा उन्नत) आणि बोगदे आपल्या शहराच्या भूजल संसाधनाला हानी पोहोचवतील. म्हणुनच महपालिकेने हे विनाशकारी प्रकल्प त्वरित रद्द करावेत अशी मागणी पर्यावरण प्रेमींनी केली आहे.

या प्रकल्पाला ग्रीन पुणे मूव्हमेंट, डेक्कन जिमखाना परीसर समिती, पाषाण क्षेत्र सभा, औंध विकास मंडळ, पंचवटी उत्कर्ष सेवा संस्था, बाणेर पाषाण लिंक रोड विकास समिती, नगर रोड सिटीझन्स फोरम असोसिएशन, एरिया सभा असोसिएशन ऑफ पुणे, सेव्ह पुणे ट्रॅफिक मुव्हमेंट , परिवर्तन , मिशन भूजल , वसुंधरा स्वच्छता अभियान , देवनदी स्वच्छता अभियान , रामनदी स्वच्छता अभियान , 51A ग्रुप , जीवननदी फाऊंडेशन , परिसर , कल्पवृक्ष , वॉरियर मॉम्स , आनंदवन फाउंडेशन यांनी विरोध केला आहे.

पाषाण:

पुणे विद्यापीठ ते पाषाण रस्त्यावर मोठे वृक्ष फुटपाथ व सायकल ट्रॅकला अडथळा म्हणून तोडण्यास पालिकेने परवानगी दिली आहे. वृक्षतोड करून राबविण्यात येत असलेले पर्यावरणपूरक उपक्रम हे नक्की कोणत्या विकासासाठी असा प्रश्न पर्यावरण प्रेमी नागरिकांनी उपस्थित करत, या वृक्षतोडीला विरोध दर्शवला आहे. पर्यावरणप्रेमी नागरिकांनी रोष व्यक्त करत संबंधित ठिकाणी येऊन निदर्शने केली.

याठिकाणी सुमारे 25 वर्ष जुनी असलेली झाडे या सायकल ट्रॅकसाठी तोडण्यात येणार आहेत. तर काही झाडे तोडण्यात आले असून सायकल ट्रॅकसाठी झाडे तोडण्यात येऊ नयेत अशी मागणी या परिसरातील पर्यावरणप्रेमी नागरिकांनी केली आहे. यापूर्वीही पालिकेने तयार केलेले सायकल ट्रॅक वापरात नाहीत. तसेच स्मार्ट सिटी अंतर्गत ठेवण्यात आलेल्या सायकली देखील सध्या पाहायला मिळत नाहीत. असे असताना सायकल ट्रॅकसाठी सुमारे पन्नास वर्षांपासून अधिक जुनी असलेली झाडे तोडून पालिका पर्यावरणाचे नुकसान करीत आहे. पालिकेच्या या कायदेशीर वृक्षतोडीचा पर्यावरणप्रेमी नागरिकांनी विरोध दर्शवत निषेध व्यक्त केला.

वसुंधरा स्वच्छता अभियानचे दीपक श्रोते म्हणाले, नागरिक म्हणून आम्हाला नकोय असा उजाड करणारा विकास. या आधी मनपाचे वृक्ष पुनर्ररोपनात झाडे जगत नाही हा अनुभव आहेच. सायकल ट्रॅक व पदपथाचे काम झाडे न तोडत ही होऊ शकतात. यामुळे वृक्षतोड करण्यात येऊ नये. यावेळी रवी सिन्हा, राजेश चौरे, पुष्कर कुलकर्णी, कीर्ती काळे, समीर उत्तरकर, संतोष पाषाणकर आदी उपस्थित होते.

औंध :

औंध पायठा मित्र मंडळ गणेश मंदिर गोळवलकर गुरुजी शाळेजवळ औंध आरोग्य कोठी येथे आमदार सिद्धार्थ शिरोळे व माजी नगरसेवक सनी निम्हण, त्वष्टा कासार संस्थेचे चिटणीस निरंजन लोंबर यांच्या हस्ते निर्माल्य कलशांची पूजन करण्यात आले. गणेशोत्सवानिमित्त हा आगळावेगळा उपक्रम आयोजित करण्यात आला आहे. या ठिकाणी सर्वांनी निर्माल्य टाकण्याचे आवाहन करण्यात आले आहे.

या पर्यावरणस्नेही निर्मल गणेशोत्सव पुजना साठी
औंध विश्वस्त मंडळ अध्यक्ष योगेश जुनवणे,
औंधचा राजा लोकमान्य मित्र मंडळाचे अध्यक्ष हेरंब कलापुरे, मलिंग मित्र मंडळ चे राहुल गायकवाड, जगदंब ढोल ताशा पथकाचे अभिषेक तोडकर, सुप्रीम चोंधे, जीवित नदी संस्थेच्या शैलजा देशपांडे, मृणाल वैद्य
अनेक पर्यावरण गणेशोत्सव कार्यकर्ते, पुणे मनपाचे राजेंद्र वैराट, कविता निम्हण स्वच्छता कर्मचारी उपस्थित होते. या प्रसंगी गणेश कलापुरे यानी सर्वांना हा निर्मल गणेशोत्सव कशासाठी आहे या विषयी माहीती दिली.

प्रदूषणाचा विषय आज अत्यंत गंभीर झाला आहे, आणि यावर कुठल्याही एका संस्थेने अथवा व्यक्तीने काम करून चालणार नाही. यासाठी ही प्रदुषण विरोधी लोक चळवळ उभी करणे आवश्यक आहे. प्रदुषण सर्व समाज करतो आहे. मग प्रदुषण मुक्तीसाठी सर्व समाजाचा सहभाग आवश्यक आहे. यातून ही लोक सहभागाची चळवळ उभी रहावी पर्यावरणस्नेही उत्पादनाचा वापर वाढवा विविध बचत गट गणेशोत्सव मंडळे यांच्या माध्यमातून पर्यावरणस्नेही उत्पादनाचे व्यवसाय उभे रहावे, अशी अपेक्षा यावेळी व्यक्त करण्यात आली.

मान्यवरांच्या हस्ते पुण्याच्या पर्यावरणाच्या नकाशाचे अनावरण केले. या प्रसंगी आमदार सिद्धार्थ शिरोळे यांनी जलपर्णि वर आणि नदी प्रदुषण यावर कायमची उपाययोजना करण्यासाठी प्रयत्नशील असल्याचे सांगितले.

सनी निम्हण यांनी सोमेश्वर मंदिर देवस्थान आणि स्वतः व्यक्तिगत रामनदि प्रदुषणमुक्त होण्यासाठी जे काही करणे शक्य असेल ते करू, त्यासाठी छोटे पाऊल म्हणून सोमेश्वर मंदिरात नीर्माल्याचे खत निर्मिती सुरू करू असे सांगितले.

शैलजा देशपांडे यांनी या उपक्रमचे कौतुक केले आणि नदी प्रदुषण याविषयी माहिती दिली. भूषण शेळके यांच्या वतीने गणपती बाप्पा ला प्रिय असणाऱ्या शमी वृक्षाचे रोपण सर्व कार्यकर्त्यांच्या हस्ते करून कार्यक्रमाची सांगता करण्यात आली.

गणेश कलापुरे यांनी सर्व उपस्थितांचे आभार मानले सर्व मान्यवरांचे सत्कार पायठा मित्र मंडळाच्या वतीने करण्यात आले मंडळाचे अध्यक्ष राजेश खोले, जयवंत मोहिते, दत्तात्रय भगत, शेखर विघ्ने, सुनील जुनवणे यांच्या हस्ते सर्वांचा सत्कार करण्यात आला. पर्यावरणस्नेही निर्मल गणेशोत्सव या मोहिमेचे नियोजन पायठा मित्र मंडळ आणि स्वप्नील जुनवणे, अनिरुद्ध मोहिते, गणेश कलापुरे यांनी केले.

पुणे :

बावधन येथील पालिकेच्या हद्दीतील नैसर्गिक झऱ्याची जागा(जलस्रोत )ही शहर विकास आराखड्यात आरक्षित करून शासकीय राजपत्रात अधिसूचित करून संरक्षणाची तरतूद करण्याची मागणी निसर्गप्रेमींनी केली आहे.पुणे श्रमिक पत्रकार संघात बुधवारी झालेल्या पत्रकार परिषदेत जलदेवता सेवा अभियान,जलबिरादरी संस्थेचे शैलेंद्र पटेल यांनी ही मागणी पुणे महानगरपालिकेचे आयुक्तांकडे केली आहे.

आवश्यक कार्यवाही न झाल्यास राष्ट्रीय हरित न्यायालय NGT मध्ये जाण्याची तयारी ठेवली असल्याचा इशारा या पत्रकार परिषदेत देण्यात आला.

शैलेंद्र पटेल (जल देवता सेवा अभियान ), सुनील जोशी (समग्र नदी परिवार ),निरंजन उपासनी (जीवित नदी ), वीरेंद्र चित्राव ( राम नदी रिस्टोरेशन मिशन ), डॉ.सचिन पुणेकर (बायो स्फीअर ), दिपक श्रोते (वसुंधरा स्वच्छ्ता अभियान ), पुष्कर कुलकर्णी, ( वसुंधरा स्वच्छता अभियान ) ललीत राठी, वैशाली पाटकर ( भूजल अभियान ), मुकुंद शिंदे, श्यामला देसाई, उपस्थित होते.

महाराष्ट्र राज्याच्या जल संवर्धन व जल नियोजनासाठी महाराष्ट्र शासनाच्या तीनही संबंधित संस्थांनी या संबंधीचे निर्देश पुणे पालिकेला दिले आहेत. महाराष्ट्र जलसंपत्ती नियमन प्राधिकरण / भूजल सर्वेक्षण व विकास यंत्रणा /उपविभागीय अधिकारी ,मावळ- मुळशी (MWRRA/GSDA/SDO) ह्या तिन्ही संस्थांच्या अधिकाऱ्यांनी बावधन येथील नैसर्गिक झऱ्याच्या जागेवर प्रत्यक्ष भेट देऊन तो जलस्त्रोत आहे असे घोषीत करून त्याचे संरक्षण करावे असे अधिसूचित केले आहे. त्या अनुषंगाने झऱ्याचे संरक्षण उत्तरदायित्व असलेल्या स्थानिक स्वराज संस्था म्हणजे आयुक्त मनपा पुणे यांना वेळोवेळी निर्देश व आदेश दिले आहेत.

महाराष्ट्र शासनाच्या या तिन्ही संस्थांनी आदेश दिले असूनसुध्दा त्या अनुशंगाने मनपा आयुक्त यांनी सदर जागा नैसर्गिक जलस्रोतासाठी शहर विकास आराखड्यामध्ये (Development Plan ) MRTP act 37 अन्वये कार्यवाही करून आरेखित करावा आणि शासकीय राजपत्रामध्ये अधिसूचित करण्याची अंबलबजावणी न करून,विलंब करून या शासकीय संस्थांच्या आदेशाचा अवमान केला आहे.या जलस्रोतांच्या रक्षणासाठी महाराष्ट्र जलसंपत्ती नियमन प्राधिकरण तर्फे बैठक आयोजित करून समिती स्थापन केली होती. त्यात पुणे मनपा आयुक्तांचाही समावेश आहे. या जलस्रोताच्या संरक्षणासाठी त्याभोवती कोणतेही बांधकाम होऊ देता कामा नये,याची कार्यवाही पालिका आयुक्तांनी करायची आहे. त्याचा कालबद्ध कार्यक्रम देण्याचे आदेश या समितीने पालिकेला दिले आहेत.या झऱ्याचे अस्तित्व संपल्यास त्याची जबाबदारी समितीची पर्यायाने पालिकेची असणार आहे. महाराष्ट्र भूजल (विकास व व्यवस्थापन )अधिनियम २००९ च्या नियमावली नुसार या परिसरात बांधकाम ,विकासकामास परवानगी देऊ नये,असे समितीने पालिकेला आदेश दिलेले आहेत. त्याची अंमलबजावणी करण्याची मागणी या पत्रकार परिषदेत करण्यात आली.

निसर्गप्रेमी संस्थांनी या झऱ्यासाठी आणि रामनदी वाहती ठेवण्यासाठी पालिकेकडे वारंवार पाठपुरावा करून देखील पालिकेने उत्तर दिलेले नाही,याकडेही पत्रकार परिषदेत लक्ष वेधण्यात आले.

बाणेर :

बाणेर येथील स.नं.१३,१४,१५,१६,१७ येथील डोंगराच्या पायथ्याशी बेकायदेशीररीत्या काही हितसंबंध असणारे अज्ञात इसम बाणेर – पाषाण टेकडीचे खोदाई करून पर्यावरणाचे न भरून निघणारे नुकसान करीत आहेत. या ठिकाणी सध्या भराव टाकून रस्ता तयार करण्याचे काम केले असल्याने या भराव टाकणाऱ्या वर गुन्हा दाखल करण्यात यावा अशी मागणीचा तक्रार अर्ज पोलीस स्टेशनला पर्यावरणप्रेमी नागरिकांनी केला आहे.

सन २०१९ या वर्षामध्ये पुणे महानगरपालिकेने व स्मार्ट सिटीने एकत्रित हा १८ मीटर रस्ता विकसित करण्याचे ठरविले व त्याप्रमाणे रस्त्याचे काम सुरु झाले.रस्त्याचे काम करत असतांना टेकडीच्या काही भागाची कटिंग करण्यास सुरुवात झाली. हे पर्यावरणप्रेमींच्या लक्षात आले, या वेळी नागरिकांनी व लोकप्रतिनिधींनी एकत्रित येऊन रस्त्याचे काम थांबविले.

याची माहिती देताना गणेश कळमकर यांनी सांगितले की, २०१९ मध्ये स्मार्ट सिटी CEO, पुणे महानगरपालिका पथ विभाग व स्थानिक नगरसेवक आणि पर्यावरण प्रेमी यांच्यामध्ये बैठक झाली, या बैठकीमध्ये स्मार्ट सिटी CEO राजेंद्र जगताप उपस्थित होते.या बैठकीमध्ये सर्वांमध्ये चर्चा होऊन एकमताने टेकडी तोडायची नाही असे ठरले. १४/४ HG व कलम २१० अंतर्गत सदर रस्ता टेकडी न तोडता टेकडीच्या पायथ्याशी जी जागा मिळेल त्या जागेमध्ये ९ मीटर किंवा १२ मीटर रुंदीचा रस्ता करावयाचे ठरले होते.

त्यानंतर गेल्या काही दिवसांपासून टेकडीवरती बेकायदेशीर भराव टाकणे, टेकडी तोडणे, अवैध खनन करणे हे काम JCB व पोकलेन च्या सहाय्याने करतांना निदर्शनास आले. अशी माहिती पर्यावरण प्रेमी दिपक श्रोत्रे यांनी दिली.

गेले काही दिवसांपासून येथे राडारोडा टाकला जात असल्याचे लक्षात आले. याला पर्यावरणप्रेमी नागरिकांनी विरोध केला व याची चौकशी केली. हे काम स्मार्ट सिटी व पुणे महानगरपालिका पथ विभाग करीत नाही असे समजले,मग हे बेकायदेशीर काम करतंय कोण ? याची चौकशी होऊन सदर व्यक्तीवर गुन्हा दाखल
करण्यात यावा, असा तक्रार अर्ज देण्यात आला आहे.
या राडारोडा टाकण्यामुळे येथे पाऊस झाल्यास भूसख्लन होऊन आजूबाजूच्या नागरिकांच्या जीवितास धोका संभवितो याचा विचार करून आपण त्वरित कठोर कार्यवाही करण्याची मागणी पर्यावरणप्रेमी नागरिकांनी केली आहे.

या पाहणी प्रसंगी पर्यावरण प्रेमी दिपक श्रोत्रे, वैशाली पाटकर, गणेश कलापुरे, पुष्कर कुलकर्णी, रविंद्र सिंन्हा, शैलेंद्र पटेल, महेश सांगळे, भाजपा उपाध्यक्ष गणेश कळमकर, प्रल्हाद सायकर, स्विकृत सदस्य सचिन पाषाणकर, सहाय्यक आयुक्त संदीप खलाटे, पथ विभागाचे अधिकारी अजित सुर्वे आदी उपस्थित होते.