बाणेर :

५ ते १० वी च्या विद्यार्थ्यांना चित्रातून व्यक्त होण्याची संधी आज मिळाली. विद्यांचल हायस्कूलच्या रौप्यमहोत्सवी वर्षी चौदावी मान्सून चित्रकला स्पर्धा आयोजित करण्यात आली होती. या स्पर्धेच्या निमित्ताने शालेय विद्यार्थ्यांना रंग, रेषा – आकाराच्या माध्यमातून व्यक्त होण्याची खास संधी मिळाली या कार्यक्रमाला अभिनव शिक्षण प्रसारक मंडळाचे चेअरमन अशोक मुरकुटे सर, तसेच संस्थेचे इतर माननीय सदस्य भालचंद्र मुरकुरे सर, श्वेता मुरकुटे मॅडम, योगिता बहिरट मॅडम उपस्थित होत्या तसेच परिक्षक म्हणून भीमसेन सीताराम महागावकर व प्रकाश पवार यांनी उपस्थित राहून कार्यक्रमाची शोभा वाढवली

ही स्पर्धा तीन गटांमध्ये घेण्यात आली. या स्पर्धेत पंधरा हून अधिक शाळांच्या  मुलांनी मोठ्या संख्येने उपस्थिती लावली. सर्व मुलांचा उत्साह वाखाणण्यासारखा होता चित्राच्या माध्यमातून मुलांच्या कल्पनाशक्तीला वाव देणाऱ्या या स्पर्धेला शालेय विद्यार्थ्यानी उत्स्फूर्त प्रतिसाद दिला. परिक्षकांनी सर्व चित्रांचे पुनःपुन्हा परिक्षण करून निकाल जाहिर केला

आपल्या कलेतून भावना व्यक्त करण्याचे चित्रकला आहे हे अतिशय चांगले साधन आहे. या चित्रकला स्पर्धेच्या निमित्ताने अनेक विद्यार्थ्यांनी आपल्या भावना व्यक्त करत कागदावरती रेखाटल्या त्यांचे कौतुक करावे तेवढे थोडेच आहे असे प्रतिपादन यावेळी संस्थेचे चेअरमन अशोक मुरकुटे यांनी व्यक्त केले. विद्यार्थ्यांनी मिळाल्या संधीचे सोने करत या स्पर्धेत अतिशय चांगल्या प्रकारचे चित्र तयार केले. विजेत्या विद्यार्थ्यांचे खूप खूप अभिनंदन व सहभागी घेतलेल्या सर्व विद्यार्थ्यांना पुढील वर्षी या स्पर्धेत सहभागी होऊन बक्षीस मिळवण्यासाठी शुभेच्छा त्यांनी यावेळी दिल्या.

स्पर्धेचा निकाल:
गट – अ

प्रथम क्रमांक – रितीका पत्की
अभिनव इंग्लिश मिडियम प्रायमरी स्कूल.

द्वितीय क्रमांक माही चांदनी
पुणे इंटरनॅशनल स्कूल
तृतीय क्रमांक -निमिषा कुंभार
जीके गुरुकुल स्कूल

गट – ब

प्रथम क्रमांक -स्वर्णा थोटा
जीके गुरुकुल स्कूल 
द्वितीय क्रमांक -तनिष्का ढेरे विद्याव्हॅली स्कूल
तृतीय क्रमांक  श्वेता मेथरे
पुणे इंटरनॅशनल स्कूल

गट – क

प्रथम क्रमांक अथर्व घाटगे
ज्ञानगंगा इंग्लिश स्कूल
द्वितीय क्रमांक अर्णवी झनवर
डॉ – कलमाडी हायस्कूल
तृतीय क्रमांक   करण देशपांडे 
डॉ. कलमाडी हायस्कूल

बाणेर :

बाणेर येथील विद्यांचल शाळेत ९ व्या आंतरशालेय फुटबॉल व बास्केटबॉल “विद्यांचल ट्रॉफी” या स्पर्धेचे आयोजन करण्यात आले आहे. ही स्पर्धा १८ डिसेंबर २०२१ ते २३ डिसेंबर २०२१ या कालावधीत होणार आहे. या स्पर्धेसाठी वयोगटात १५ वर्षाखालील मुला-मुलींचा सहभाग आहे. या स्पर्धेत फुटबॉलचे ३२ संघ व बास्केट बॉलचे १२ संघ यांनी सहभाग घेतला आहे.

या स्पर्धेबद्दल माहिती देताना विद्यांचल हायस्कूलचे संस्थापक अशोक मुरकुटे यांनी सांगितले की, विद्यार्थ्यांना शिक्षणाबरोबर खेळाची सुध्दा गोडी लागली पाहिजे. “विद्यांचल ट्रॉफी” स्पर्धेच्या निमित्त खेळाडूंच्या अंगी असणाऱ्या सुप्त गुणांना वाव मिळण्यासाठीचे काम निश्चित होणार आहे. अशी अपेक्षा व्यक्त करत खेळाडूंना शुभेच्छा दिल्या.

या स्पर्धेचे उद्घाटन प्रसंगी प्रमुख पाहुणे उदयजी महाले अध्यक्ष शिवाजीनगर विधानसभा राष्ट्रवादी काँग्रेसपार्टी व माजी राष्ट्रीय बास्केटबॉल क्रीडापटू खरडे पाटील उपस्थित होते. तसेच विद्यांचल हायस्कूलचे अशोक मुरकुटे, माजी नगरसेविका रंजनाताई मुरकुटे, भालचंद्र मुरकुटे, जयेश मुरकुटे, श्वेता मरकुटे, योगिता बहिरट, विद्यांचल शाळेच्या मुख्याध्यापिका मनिषा कुलकर्णी मॅडम, मराठी शाळेच्या मुख्याध्यापिका दिपाली महाजन, संगिता बुचडे व सर्व शिक्षकवर्ग, शिक्षकेत्तर वर्ग उपस्थित होते.

प्रमुख पाहुण्यांच्या हस्ते कार्यक्रमाचे उदघाटन करण्यात आले. त्यांनी आलेल्या सर्व संघाना त्यांच्या प्रशिक्षकांना शुभेच्छा दिल्या व मार्गदर्शन केले. तसेच राष्ट्रवादी काँग्रेस पुणे शहर अध्यक्ष प्रशांत जगताप यांनी खेळाडूंना प्रोत्साहित करण्यासाठी आवर्जून भेट दिली. खेळाडूंना शुभेच्छा दिल्या.

बाणेर :

बाणेर,पुणे दिनांक 12:12: 2021 राष्ट्रवादी काँग्रेसचे अध्यक्ष शरद पवार यांच्या वाढदिवसानिमित्त अभिनव शिक्षण प्रसारक मंडळ या संस्थेत रविवार दिनांक 12 डिसेंबर 2021रोजी सकाळी 9:00 ते 5:00 या वेळेत रक्तदान शिबिराचे आयोजन केले गेले.

माऊली फाऊंडेशन व अभिनव शिक्षण प्रसारक मंडळ यांच्या संयुक्त विद्यमाने हा सामाजिक उपक्रम राबवण्यात आला होता. या प्रसंगी माऊली फाऊंडेशनचे संस्थापक अध्यक्ष जयेश संजय मुरकुटे व अभिनव शिक्षण प्रसारक मंडळाचे संस्थापक अध्यक्ष अशोक ज्ञानेश्वर मुरकुटे यांनी आपल्या शुभ हस्ते कार्यक्रमाचे उद्घाटन केले.

या शिबिरात 175 रक्तदात्यांनी आपले रक्त दान केले.’रक्तदान हेच जीवनदान’ या उक्तीप्रमाणे या रक्तदात्यांमुळे जवळपास 525 लोकांना /रुग्णांना जीवनदान मिळेल, अशी माहिती डॉ. उघाडे सर यांनी उपस्थितांना दिली. ‘देणाऱ्याने देत जावे घेणाऱ्याने घेत जावे’ या काव्यपंक्ती प्रमाणे खरोखरच हे पुण्य दान वेळेच्या नंतरही म्हणजे जवळजवळ संध्या.7:00 वाजेपर्यंत चालले. या सर्व रक्तदानाचा साठा आचार्य आनंद ऋषीजी पुणे ब्लड बँक याठिकाणी देण्यात आला.

याप्रसंगी माजी नगरसेवक ज्ञानेश्वर तापकीर यांनी उपस्थितांना मार्गदर्शन केले. या शिबिरास महेंद्र जुनवणे, सुहास दगडे, विशाल शिंदे व प्रवीण शिंदे यांचे विशेष सहकार्य लाभले.

याप्रसंगी माननीय सुनील खताळ (जनसंपर्क अधिकारी) संजय ज्ञानेश्वर मुरकुटे, भालचंद्र मुरकुटे, माजी नगरसेविका रंजना मुरकुटे, प्रमिला मुरकुटे, तसेच अनेक मान्यवर उपस्थित होते अशाप्रकारे हे शिबिर आरोग्यदायी वातावरणात उत्साहाने पार पडले.राज्यातील कोरोना महासाथीचे संकट हाताळण्यावरून राज्य सरकारवर विरोधकांकडून टीका होत असताना हायकोर्टाने मात्र कौतुक केले आहे.

बाणेर :

इयत्ता दहावी प्रत्येक विद्यार्थ्याच्या जीवनातील महत्त्वाचे वर्ष आहे. कारण ते पुढील आयुष्याचे यश ठरविते. कोरोना परिस्थितीत ही विद्यांचल हायस्कूल बाणेर च्या विद्यार्थ्यांनी १६ जुलै २०२१ रोजी दहावीच्या निकालात पुन्हा एकदा आपली क्षमता सिद्ध केली. त्यांच्या या कष्टाचे कौतुक म्हणून उत्तीर्ण झालेल्या विद्यार्थ्यांचा सत्कार समारंभ ७ सप्टेंबर २०२१ रोजी विद्यांचल
हायस्कूलमध्ये आयोजित करण्यात आला होता.

या वर्षी सुद्धा गेल्या १३ वर्षांची परंपरा राखत १०० टक्के निकाल शाळेने मिळवला. त्यात १८ मुलांना विशेष योग्यता श्रेणी मिळाली तर २३ मुलांनी प्रथम श्रेणी मिळवली. १३ मुलांना द्वितीय श्रेणी मिळाली. याच यशासाठी मुलांचा कौतुक समारंभ आयोजित करण्यात आला. समारंभाच्या अध्यक्षस्थानी शाळेचे अध्यक्ष माननीय अशोक मुरकुटे सर व कार्यक्रमाचे प्रमुख पाहुणे माननीय ज्ञानेश्वर केशवराव तापकीर (अध्यक्ष, योगीराज नागरी पतसंस्था मर्यादित बाणेर) यांनी या कार्यक्रमात सर्व विद्यार्थ्यांचा भेटवस्तू देऊ सत्कार केला. पहिल्या ५ अव्वल विद्यार्थ्यांना व प्रत्येक विषयात अव्वल येणाऱ्या विद्यार्थ्यांना घड्याळ भेट देण्यात आली. योगीराज नागरी पतसंस्था मर्यादित,बाणेर , यांच्यातर्फे ९० % पेक्षा अधिक गुण मिळवणाऱ्या पहिल्या ५ विद्यार्थ्यांना प्रत्येकी १०००/- रुपयाची रोख रक्कम बक्षीस म्हणून देण्यात आली.

प्रमुख पाहुणे माननीय ज्ञानेश्वर केशवराव तापकीर, शाळेचे संस्थापक अशोक मुरकुटे, मुख्याध्यापिका मनीषा कुलकर्णी व सर्व शिक्षक वृंद या सर्वांनी विद्यार्थ्यांच्या यशाबद्दल अभिनंदन केले व पुढील समृद्ध वाटचालीसाठी शुभेच्छा दिल्या. तापकीर व मुरकुटे यांनी मुलांना मार्गदर्शन केले. कष्टाचे महत्त्व आणि उच्च शिक्षणासाठी करावी लागणारी वाटचाल कशी करावी याबद्दल सांगितले. या मोलाच्या सल्ल्याचा मुलांना निश्चितच खूप उपयोग होईल.

बाणेर :

बाणेर येथील अभिनव शिक्षण प्रसारक मंडळ विद्यांचाल हायस्कूल येथे शिक्षक दिन मोठ्या उत्साहात साजरा करण्यात आला. याप्रसंगी प्रमुख पाहुणे म्हणून मुकुंद सूरकुतवार अध्यक्ष रोटरी क्लब, सुकानंद जोशी सेक्रेटरी रोटरी क्लब, प्रमुख पाहुण यांच्या उपस्थितीत संपन्न झाला. आपल्याकडे शिक्षक दिनाला विशेष महत्त्व आहे. व्यक्ती आणि समाजाच्या विकासात शिक्षणाचा वाटा मोलाचा आहे. जिथे शिक्षण आहे तिथेच विकास आहे, म्हणूनच शिक्षणातून व्यक्तीची जडणघडण करणाऱ्या शिक्षकाचा आदर करण्याचा हा दिवस असतो.

यावेळी बोलताना संस्थेचे संस्थापक अध्यक्ष अशोक मुरकुटे यांनी सांगितले की, संस्थेच्या वाटचालीमध्ये संस्थेचा स्टाफ शिक्षक वर्ग अतिशय चांगल्या पद्धतीने आपली जबाबदारी पार पाडत असल्यामुळे संस्थेच्या शाळेमधील शिक्षणाचा दर्जा हा उच्चतम राहिला आहे. शाळेची गुणवत्ता वाढलेली असून शाळेचा निकाल शंभर टक्के लागत असतो. यासाठी सर्व शिक्षक वर्गाचे कौतुक करावे तेवढे थोडेच आहे. म्हणूनच शिक्षक दिनाचे औचित्य साधून शिक्षकांच्या प्रती आदर व्यक्त करीत त्यांचा आज सन्मान आपण करत आहोत असे त्यांनी सांगितले.

यावेळी या शाळेच्या वाटचालीमध्ये मोलाचे काम करणारे विविध शिक्षकांचा सन्मान संस्थेच्या वतीने करण्यात आला. उपस्थित प्रमूख पाहुण्यांनी शिक्षकांप्रती आदर व्यक्त करीत शिक्षकांचे महत्त्व विशद केले. याप्रसंगी संस्थेचे संस्थापक अध्यक्ष अशोक मुरकुटे, माजी नगरसेविका रंजना मुरकुटे, मुख्याध्यापिका कुलकर्णी मॅडम तसे सर्व शिक्षक व शिक्षकेत्तर कर्मचारी उपस्थित होते.

बाणेर :

महाराष्ट्र राज्याचे उपमुख्यमंत्री अजित पवार यांच्या वाढदिवसानिमित्त अभिनव शिक्षण प्रसारक मंडळ बाणेर आणि दैनिक लोकमत यांच्या संयुक्त विद्यमाने माजी पुणे, विद्यांचल हायस्कूल बाणेर येथे रक्तदान शिबिराचे आयोजन केले होते. या रक्तदान शिबिराचे उद्घाटन राष्ट्रवादी काँग्रेसचे पुणे शहराध्यक्ष प्रशांत जगताप यांच्या हस्ते झाले. रक्तदानाची सुरुवात आयोजक व युवा उद्योजक भालचंद्र मुरकुटे यांनी स्वतः रक्तदान करून केली.

या कार्यक्रमाचे मुख्य आयोजक अशोक मुरकुटे संस्थापक, अध्यक्ष, अभिनव शिक्षण प्रसारक मंडळ यांनी मॅक न्यूज शी बोलताना सांगितले की, राज्यातील रक्त पेढी मधील रक्ताचा तुटवडा बघता कोरोनाची तिसरी लाट येण्याची शक्यता वर्तवली जात असताना, राज्यातील रक्त साठा मध्ये वाढ होणे गरजेचे असल्याने आपल्याला समाजाचे काही देणे लागते. या धर्तीवर रुग्णांसाठी ‘रक्ताचं नातं’ जोडण्याचा आपुलकीचा प्रयत्न केला आहे.

या रक्तदान शिबिरास रक्तदात्यांचा उत्साह वाढविण्यासाठी योगीराज पतसंस्थेचे संस्थापक अध्यक्ष ज्ञानेश्वर तापकीर, बाणेर नागरी पथसंस्थेचे संस्थापक अध्यक्ष डॉ. दिलीप मुरकुटे, विशाल विधाते, माजी नगरसेविका सुषमा निम्हण, नितीन कळमकर, पुनम विधाते, प्राजक्ता ताम्हाणे, ओमाराम चौधरी, मनोज बालवडकर आदी मान्यवर भेट दिली. तसेच योगिता मुरकुटे, स्वेता मुरकुटे, अभिनव शिक्षण प्रसारक मंडळाचा स्टाफ आणि आचार्य आनंदरूषीजी ब्लड बँक डॉ. सविता गोखले आणि त्यांचा स्टाफ यांनी रक्तदान शिबिर पार पाडण्याकरता विशेष सहकार्य केले.

यावेळी रक्तदात्यांनी केलेल्या महान कार्याबद्दल त्यांचा सन्मान म्हणून प्रत्येक रक्तदात्यांना टिफिन बॉक्स देण्यात आला. यावेळी १०५ रक्तदात्यांनी उस्फूर्तपणे रक्तदान केले. या रक्तदान शिबिरा करता माजी नगरसेविका रंजना मुरकुटे आणि उद्योजक भालचंद्र मुरकुटे यांच्या वतीने एक लकी ड्रॉ आयोजित केला गेला होता. त्यामधील तीन लकी विजेत्यांना पर्यावरणास पूरक अशा सायकली भेट देण्यात आल्या. कार्यक्रमाचा समारोप राष्ट्रवादी काँग्रेसचे कोथरूड विधानसभा अध्यक्ष स्वप्निल दुधाणे यांच्या हस्ते करण्यात आला. त्यांच्या हस्ते यावेळी हरिश आनंद, आशिष वर्‍हेकर, स्वप्नील भुमकर या तिन भाग्यवान रक्त्तदात्यांना सायकल भेट देण्यात आली.