बाणेर :

महादेवाचे जेथे जेथे शिवलिंग आहेत ते शिवलिंग आपल्याला ध्यानाकडे नेतात. आपल्या जीवनाला महत्त्व श्वासामुळे आहे. श्वासाचे महत्त्व आपण ओळखले पाहिजे. त्यावर लक्ष केंद्रित करून ध्यान करा. श्वासाचा ध्यान जर तुम्ही एक तास केले तर पाच तास जप केल्यासारखे आहे. त्यामुळे श्वासाचे महत्त्व ओळखा व त्यावर लक्ष केंद्रित केले तर आपले जीवन सफल होईल, असे मत प.पु. उंबरगिरी महाराज यांनी व्यक्त केले.

बाणेर येथील श्री बाणेश्वर देवस्थान पांडवकालीन गुफा मंदिरातील शिवलिंग स्थापना प्राण प्रतिष्ठापना प्रसंगी ते बोलत होते. यावेळी स्वामीभक्त बाळासाहेब ठोंबरे, माजी नगरसेवक ज्ञानेश्वर तापकीर, माजी नगरसेविका ज्योती कळमकर, डॉ. दिलीप मुरकुटे, अशोक मुरकुटे, गणेश कळमकर, पुनम विधाते, बाणेश्वर ट्रस्टचे अध्यक्ष गणेश भुजबळ, संदीप वाडकर, सुधीर कळमकर, गणेश तापकीर, योगेश कळमकर, राहुल पारखे, संदीप ताम्हने, प्रल्हाद सायकर, श्रीकांत बनकर, विशाल विधाते आदी उपस्थित होते.

बाणेश्वर देवस्थान ट्रस्ट शिवलिंग स्थापना प्राण प्रतिष्ठापना निमित्त तीन दिवस विविध धार्मिक कार्यक्रम घेण्यात आले. त्यामध्ये कलश पूजन, जलहरी पूजन, शिवलिंग ग्राम परिक्रमा, भजन, होम हवन आदी कार्यक्रम घेण्यात आले. या ऐतिहासिक शिव मंदिरातील शिवलिंगाची स्थापना ग्रामस्थांनी मोठ्या उत्साहात साजरा केली. लाखो भक्तांना महाशिवरात्रीनिमित्त या ठिकाणी आता दर्शनाचा लाभ घ्यायचा येणार असून, विविध कार्यक्रमही महाशिवरात्री निमित्त आयोजित करण्यात आले आहेत.

बाणेर :

बाणेर येथील श्री बाणेश्वर देवस्थान पांडवकालीन गुफा येथील मंदिरातील शिवलिंग स्थापना प्राण प्रतिष्ठेला सुरुवात झाली असून, यानिमित्त विविध धार्मिक कार्यक्रम देवस्थान ट्रस्टच्या वतीने ठेवण्यात आले आहे. २१ फेब्रुवारी रोजी प्राण प्रतिष्ठा होणार असून विविध धार्मिक विधींना सुरुवात करण्यात आली आहे.

विविध धार्मिक विधी मध्ये कलश पूजन १९ फेब्रुवारी रोजी करण्यात आले आहे. तर आज २० फेब्रुवारी रोजी जलहरी पूजन दुपारी १२ ते ५ वा. व शिवलिंग ग्राम परिक्रमा सायंकाळी ५ ते ८ या वेळेत हे धार्मिक कार्यक्रम करण्यात येणार आहेत.

शिवलिंग प्राण प्रतिष्ठा

स्वागत मिरवणूक व शिवलिंग प्राण प्रतिष्ठा स्थापना २१ फेब्रुवारी रोजी सकाळी १० ते १२ या वेळेत होणार आहे. प्राण प्रतिष्ठा प. पु. स्वामी उंबरगिरी महाराज यांच्या हस्ते होणार आहे . याप्रसंगी सन्माननीय उपस्थिती मध्ये स्वामी भक्त बाळासाहेब ठोंबरे व प्रमुख उपस्थिती उच्चतंत्र शिक्षण मंत्री चंद्रकांत पाटील हे उपस्थित राहणार आहेत. या कार्यक्रमाचे आयोजन श्री बाणेश्वर सेवा ट्रस्टच्या वतीने करण्यात आले असून जास्तीत जास्त भक्तांनी या सोहळ्यास उपस्थित राहण्याची आव्हान ट्रस्टच्या वतीने करण्यात आले आहे.

बाणेर :-

बाणेर बालेवाडी परिसरातून वाहत असलेल्या मुळा नदीच्या काठी नदी सुधार प्रकल्प अंतर्गत कामे करण्यासाठी मोठ्या प्रमाणात वृक्षतोड करण्यात येणार आहे. या वृक्ष तोडीस विरोध म्हणून बाणेर परिसरामध्ये पर्यावरण प्रेमी नागरिकांतर्फे रविवारी ९ फेब्रुवारी रोजी दुपारी ३ वाजता हजारो नागरिकांच्या उपस्थितीत चीपको आंदोलन करण्यात येणार आहे. बाणेर येथील कलमाडी हायस्कूल पासून ते राम नदी व मुळा नदी संगम पर्यंत हे चिपको आंदोलन करण्यात येणार आहे.

बाणेर बालेवाडी बाजूच्या विरुद्ध बाजूस असणाऱ्या वाकड पिंपळे निलख या ठिकाणी नदीमध्ये भरव टाकून नदी सुधार प्रकल्पाचे काम जोरदार पद्धतीने चालू आहे. या नदीमध्ये भराव टाकल्यामुळे बाणेर बालेवाडी परिसराला मोठ्या प्रमाणात पुराचा फटका बसण्याची शक्यता निर्माण झाली आहे. त्यामुळे या कामास बाणेर बालेवाडी परिसरातून नागरिकांचा मोठ्या प्रमाणात विरोध होत आहे. खासदार मेधा कुलकर्णी यांनी देखील प्रत्यक्ष भेट देऊन हे काम थांबवण्याच्या सूचना केल्या होत्या. अनेक पर्यावरण प्रेमी नागरिकांनी नदीमध्ये भराव टाकण्याचे काम थांबवण्यासाठी आपापल्या परीने प्रशासनास तक्रारी केल्या आहेत. परंतु तरीदेखील मोठ्या प्रमाणात नदीमध्ये भर टाकून हे काम सुरू आहे.

पर्यावरण प्रेमी नागरिकांमार्फत बाणेर बालेवाडी परिसरामध्ये विविध रहिवासी भागांमध्ये जाऊन नागरिकांमध्ये पर्यावरण संदर्भात जनजागृती करून तसेच भविष्यात उद्भवणारे धोके नागरिकांना सांगून या आंदोलनात मोठ्या प्रमाणात सहभागी होण्याचे आवाहन पर्यावरण प्रेमी नागरिकांमार्फत करण्यात येत आहे.

सामाजिक कार्यकर्ते, पर्यावरणवादी, इनोव्हेटर आणि शिक्षणसुधारक सोनम वांगचूक देखील घेणार आंदोलनात सहभाग.

निगडी :

योगीराज पतसंस्थेच्या कृष्णानगर शाखेच्या 25 व्या वर्धापनदिनाचे औचित्य साधून 50 हजार विद्यार्थ्यांमधून भारतीय अंतराळ संस्था ( इस्त्रो ) मध्ये देशातून प्रथम क्रमांकाने निवड झाल्याबद्दल अजय भुजबळ यांचा विशेष सन्मान आमदार महेश लांडगे यांचे वडील किसन लांडगे, माजी नगरसेविका साधना मळेकर, पुरंदर पंचायत समिती माजी सभापती रमेश जाधव, 56 देशात नऊवारी साडी नेसून बुलेटवर प्रवास करणारी भारत की बेटी रमीला लटपटे ह.भ.प. संजय बालवडकर, ह.भ.प. शेखर जांभुळकर, स्वरा ग्रुप ऑफ हॉटेल्सचे संस्थापक तथा योगीराज जीवन गौरव पुरस्कार प्राप्त रामदास मुरकुटे यांच्या शुभहस्ते करण्यात आला. याप्रसंगी ज्ञानेश्वरी मुख पाठ असलेल्या हेरंब देशमुख यांना व 10 वी च्या परीक्षेत 90% पेक्षा जास्त गुण मिळविणाऱ्या गरीब विद्यार्थ्यांना शिष्यवृत्ती प्रदान करण्यात आली. तसेच सभासदांना 1 कोटी रुपये कर्ज वितरित करण्यात आले.

संस्थेचे संस्थापक अध्यक्ष ज्ञानेश्वर तापकीर यांनी संस्थेने केलेल्या आर्थिक प्रगती व सामाजिक कार्याचा लेखाजोखा यावेळी मांडला. कृष्णानगर शाखेची कर्ज वसुली 99% आहे तसेच संस्थेला राष्ट्रीय सहकार विकास महामंडळाचा राज्यातील आदर्श पतसंस्था पुरस्कार प्राप्त झाला आहे, हे त्यांनी यावेळी आवर्जुन सांगितले.

याप्रसंगी उद्योजक भगवान पठारे, श्रीराम समर्थ पतसंस्थेचे संस्थापक दत्तात्रय तापकीर, भूमाता संघटनेचे अनिल बालवडकर, युवा नेते संग्राम मुरकुटे, संस्थेचे उपाध्यक्ष राजेश विधाते, माजी संचालक वसंत माळी, संचालक गणेश तापकीर, निवृत्ती गाडे, राजाराम सोनावणे, उत्तम कारखिले,विवेक सुतार,संजय काळभोर , योगेश काळे,सचिन सानप, माणिक म्हेत्रे, राजेंद्र जमदाडे, ज्ञानदेव ईटकर, अमोल म्हेत्रे, शाखा समिती सदस्य योगेश म्हेत्रे, रामदास जाधव, दत्तात्रय भापकर, पांडुरंग कदम, पांडुरंग सुतार, शाखा व्यवस्थापिका सीमा डोके, भाग्यशाली पठारे, तसेच संस्थेचे सर्व संचालक व स्टाफ उपस्थित होते.

आलेल्या सर्वांचे स्वागत संस्थेचे संस्थापक अध्यक्ष ज्ञानेश्वर तापकीर यांनी केले तर मुख्य कार्यकारी अधिकारी दत्तात्रय गंगणे यांनी आभार मानले.

पाषाण :

सचिन दळवी सोशल फाऊंडेशनच्या वतीने आयोजित मंत्री चषक २०२५ क्रिकेट स्पर्धेचा अंतिम दिवस आणि मेगा फाइनल सामना उत्साहात पार पडला. या क्रिकेट स्पर्धेच्या समारोप व पारितोषिक वितरण उच्च व तंत्र शिक्षण मंत्री चंद्रकांत पाटील यांच्या उपस्थिती पार पडला. विजयी संघांना त्यांच्या हस्ते पुरस्कार प्रदान करण्यात आला. तसेच या वेळी पंचक्रोशीतील माजी खेळाडूंचा सन्मान करण्यात आला.

कार्यक्रमाच्या यशस्वी आयोजनाबद्दल चंद्रकांत पाटील यांनी आयोजकांचे कौतुक केले. सचिन दळवी यांनी विविध उपक्रमातून नेहमीच नागरिकांची सेवा केली आहे. या वेळी एवढ्या मोठ्या क्रिकेट स्पर्धेचे आयोजन करणे हे कौतुकास्पद असल्याचे मत त्यांनी व्यक्त केले.

यावेळी भाजपा पुणे शहर सरचिटणीस राघवेंद्र बाप्पू मानकर, सचिन पाषाणकर , प्रमोद निम्हण, लहू बालवडकर, रोहन कोकाटे, राहुल कोकाटे मोरेश्वर बालवडकर, अनिकेत चांदेरे, प्रमोद कांबळे , विवेक मेहता ,सचिन सुतार ,सुशील सरकटे ,आनंद जराड, वंदना सिंह, सुरेखा वाबळे व पंचक्रोशीतील ग्रामस्थ उपस्थित होते.

स्पर्धेचा निकाल…

महिला हाफ पिच क्रिकेट स्पर्धा – विजेता संघ

परफेक्ट १० स्ट्रायकर्स संघाने प्रथम क्रमांक पटकावला. या संघाने ३१,००० रुपये व ट्रॉफी जिंकली. यश्विन आनंद संघाने द्वितीय क्रमांक मिळवत २१,००० रुपये व ट्रॉफी जिंकली.

भव्य फुल पिच क्रिकेट स्पर्धा (पुरुष गट) – जे फाइव्ह इलेव्हन कोंढवा क्रिकेट संघाने उत्कृष्ट कामगिरी करत प्रथम क्रमांक पटकावला आणि १,११,१११ रुपये व भव्य ट्रॉफी जिंकली.

• द्वितीय क्रमांक : न्यू गोल्डन सीसी बावधान क्रिकेट संघ (७१,००० रुपये व ट्रॉफी)

• तृतीय क्रमांक : डीके पँंथर वाघोली क्रिकेट संघ (५१,००० रुपये व ट्रॉफी)

• चतुर्थ क्रमांक : सोमेश्वर स्पोर्ट्स क्लब (३१,००० रुपये व ट्रॉफी)

या स्पर्धेमुळे परिसरातील क्रिकेटपटूंना संधी मिळाली असून, त्यांच्यातील गुणांना हक्काचे व्यासपीठ मिळाले आहे. यापुढेही अशा प्रकारच्या स्पर्धांचे आयोजन करून नवोदित खेळाडूंना संधी उपलब्ध करून दिली जाईल, असे आयोजक सचिन दळवी यांनी सांगितले.

राजकीय दबावाला बळी पडू नका! पाणीपुरवठा अधिकारी आणि व्हॉलमनना सूचना…

कोथरूड :

कोथरूड मतदारसंघातील अनियमित पाणीपुरवठ्यावर राज्याचे उच्च व तंत्रशिक्षण आणि संसदीय कार्य मंत्री तथा कोथरूडचे आमदार चंद्रकांतदादा पाटील चांगलेच संतप्त झाल्याचे पाहायला मिळालं. कोणत्याही राजकीय दबावाला बळी न पडता, नियमीत पाणीपुरवठा करावा अशा सक्त सूचना त्यांनी यावेळी दिल्या. कोथरुड विधानसभा मतदारसंघातील पाणीपुरवठ्यासंदर्भात महापालिकेचे पाणी पुरवठा अधिकारी, व्हॉलमन आणि नागरीक अशी संयुक्त बैठक कोथरूड मधील अंबर हॉल येथे झाली. या बैठकीत ते बोलत होते.

यावेळी पाणीपुरवठा विभागाचे मुख्य अभियंता नंदकिशोर जगताप, कार्यकारी अभियंता शंकर कोडूसकर कोथरूड बावधन क्षेत्रीय कार्यालयाचे विजय नायकल, वारजे-कर्वेनगरचे दीपक राऊत, औंध-बाणेरचे गिरीश दापकेकर, भाजपा कोथरुड दक्षिण अध्यक्ष डॉ संदीप बुटाला, उत्तरचे अध्यक्ष सचिन पाषाणकर, पुणे शहर सरचिटणीस पुनीत जोशी, गणेश कळमकर यांच्या सह सर्व माजी नगरसेवक तथा पाणी पुरवठा विभागाचे सर्व‌ अधिकारी, कर्मचारी, व्हॉलमन उपस्थित होते.

बैठकीच्या सुरुवातीला नामदार चंद्रकांतदादा पाटील यांनी कोथरूड मधील विविध भागातील पाणीपुरवठ्याबाबतच्या अडचणी जाणून घेतल्या. यावेळी उपस्थित माजी नगरसेवकांनी अनियमित पाणी पुरवठ्याबाबतच्या तक्रारींचा पाढा वाचला. गेल्या काही वर्षांपासून महापालिका वेगवेगळ्या भागात दर गुरुवारी पाणीपुरवठा बंद असल्याचे जाहीर करते. मात्र, त्यानंतर पुढील दोन-चार दिवस पाणीपुरवठा सुरळीत होत नाही.

तसेच, बालेवाडी गावठाण मध्ये ठिकाणी दहा-दहा दिवस पाणीपुरवठा होत नाही. तर एसएनडीटी येथील समान पाणीपुरवठा योजने अंतर्गत पाण्याची टाकी उभारली असली, तरी ते काम निकृष्ट झाले असून, टाकी सुरु होण्यापूर्वीच गळती लागल्याचे निदर्शनास आणून दिले. तसेच अनेक भागात पाणीपुरवठा करणारे कर्मचारी कामात कुचराई करत असल्याचे निदर्शनास आणले.

त्यावर नामदार पाटील यांनी संतप्त होत अधिकाऱ्यांना खडेबोल सुनावले. “पुणे महापालिकेच्या २४×७ योजनेअंतर्गत पहिली पाण्याची टाकी बाणेर बालेवाडी मध्ये कार्यान्वित झाली. त्यानंतर उर्वरित पुण्याला मार्गदर्शक ठरेल, असे याचे कार्यन्वयन सुरू झाले. पाण्याच्या टाक्या बांधण्याचे काम सुरू आहे. समान पाणीपुरवठ्यासाठी प्रत्येक घरात मिटर लावण्याचा निर्णय झाला असून, त्याचेही काम सुरू होईल.”

ते पुढे म्हणाले की, “दुसरीकडे पाणीपुरवठ्याबाबत अनेक तक्रारी वारंवार येत आहेत. सदर तक्रारमध्ये अनेक भागात राजकीय दबावामुळे अनियमित पाणीपुरवठा होत असल्याचे समोर येत आहे. त्यामुळे ही बाब खपवून घेतली जाणार नाही. पाणीपुरवठा विभागाचे अधिकारी आणि कर्मचाऱ्यांनी कोणत्याही राजकीय दबावाला बळी पडू नये. पाणी ही अत्यावश्यक बाब असल्याने नागरिकांना त्यापासून वंचित ठेवण्याचा प्रयत्न केल्यास कठोर पावले उचलावी लागतील,” अशी संतप्त प्रतिक्रिया व्यक्त केली.

केंद्रीय राज्य मंत्री मुरलीधर मोहोळ यांच्या हस्ते साहित्य वाटप…

बालेवाडी :

भव्य दिव्य‘अटल सेवा महाआरोग्य शिबिरा’ मध्ये 35 ते 40 प्रकारच्या विविध तपासण्या आणि शस्त्रक्रिया केल्या जात आहेत. दिव्यांग व्यक्तींसाठी स्वतंत्र कक्ष उभारण्यात आला असून, त्यांना अधिक चांगल्या सेवा व सुविधा मिळत आहेत. शिबिरात गर्दी पाहता, या दोन दिवसांत सुमारे 40,000 ते 50,000 नागरिक शिबिराचा लाभ घेतील, असा अंदाज आहे. आरोग्याच्या सर्व सुविधा एकाच ठिकाणी एकत्रितपणे उपलब्ध करून देणे हे निश्चितच कौतुकास्पद आहे, असे मत केंद्रीय राज्यमंत्री मुरलीधर मोहोळ यांनी व्यक्त केले.

भाजपचे शहर चिटणीस लहु बालवडकर यांच्या नेतृत्वाखाली ‘लहु बालवडकर सोशल वेलफेअर’ व ‘सनराईज मेडिकल फाऊंडेशन’ यांच्या संयुक्त विद्यमाने ‘अटल सेवा महाआरोग्य शिबिरा’चे आयोजन करण्यात आले आहे. हे शिबिर 24 व 25 जानेवारी 2025 रोजी बालेवाडी, हायस्ट्रीट ग्राऊंड, पुणे येथे सकाळी 9:30 ते सायंकाळी 5:00 या वेळेत आयोजित करण्यात आले. आज शिबिराचा दुसरा व शेवटचा दिवस आहे.

शिबिराच्या पहिल्या दिवशीही नागरिकांनी मोठ्या संख्येने उपस्थित राहून मोफत चाचण्या व तपासण्या करून घेतल्या. या शिबिरामध्ये व्हीलचेअर, इलेक्ट्रिकल बायसिकल, श्रवणयंत्र अशा विविध प्रकारचे साहित्य मुरलीधर मोहोळ यांच्या हस्ते रुग्णांना वितरित करण्यात आले.

यावेळी मुरलीधर मोहोळ म्हणाले, की “सामाजिक बांधिलकीची भावना जोपासत समाजासाठी काहीतरी करण्याची प्रेरणा आम्हाला पक्षाच्या संस्कारांतून मिळाली आहे. हाच विचार मनात ठेवून आमचे सहकारी लहु बालवडकर यांनी भव्य दिव्य ‘अटल सेवा महाआरोग्य शिबिरा’चे आयोजन केले आहे. शिबिरात पुण्यातील जवळपास 60 नामांकित हॉस्पिटल्सची साथ मिळाली आहे, ज्यांनी उत्कृष्ट आरोग्यसेवा पुरवली आहे. तसेच, राज्य शासन, महानगरपालिका आणि केंद्र सरकारच्या आरोग्याशी संबंधित जवळपास 50 योजना या ठिकाणी थेट नागरिकांना मिळत आहेत. शिबिरामध्ये विविध आरोग्यसेवा आणि तपासण्या उपलब्ध करून देण्यात आल्या असून, लहु अण्णा बालवडकर यांनी उचललेले हे आरोग्य सेवेसाठीचे पाऊल समाजाला नवी दिशा देणारे ठरेल, यात शंका नाही.”

बालेवाडी :

भाजपचे शहर चिटणीस लहु बालवड यांच्या ‘लहू बालवडकर सोशल वेलफेअर’ व ‘सनराईस मेडिकल फाऊंडेशन’ यांच्या संयुक्त विद्यमाने भव्य ‘अटलसेवा महाआरोग्य’ शिबीराचं आज राज्याचे उच्च व तंत्रशिक्षण मंत्री चंद्रकांत पाटील यांच्या हस्ते करण्यात आले. यावेळी अनेक मान्यवरही उपस्थित होते. यानंतर शिबिराला सुरुवात करण्यात आली. आज संपूर्ण दिवसभरात या शिबीराला लोकांचा मोठा प्रतिसाद बघायला मिळाला. उद्या देखील हे शिबीर सुरू राहणार आहे.

आरोग्य हीच सर्वात मोठी संपत्ती असून निरोगी आयुष्य हेच माणसांच्या जीवनाचे खरी महत्व आहे. त्यामुळेच खर्जिक आजारांवरती उपचार हे पूर्ण:त मोफत मिळावे हा संकल्प लहु बालवडकर यांनी ठेऊन अटलसेवा महाआरोग्य शिबीर सुरू करण्यात आले. आज दिनांक २४ जानेवारी रोजी जवळपास पाच ते सहा हजार पेक्षा अधिक लोकांची नाव नोंदणी झाली. यात विविध आजारांची तपासणी, चाचण्या तसेच लोकांना औषध देखील मोफत देण्यात आली. यात लहान मुलांपासून ते अगदी वयोवृद्धांपर्यंत नागरिकांनी मोफत तपासणी करून घेतली.

याप्रसंगी सनराईज मेडिकल फाउंडेशनचे डॉक्टर सतीश कांबळे, ह.प. महाराज चैतन्य महाराज वाडेकर, डिजिटल मीडिया पत्रकार संपादक संघटनेचे अध्यक्ष राजा माने, कोथरूड विधानसभा मतदारसंघाचे अध्यक्ष पुनीत जोशी, मा. नगरसेवक अमोल बालवडकर, मा. नगरसेविका ज्योती कळमकर, मा. नगरसेविका स्वप्नाली सायकर, शहर उपाध्यक्ष गणेश कळमकर, उत्तर मंडल अध्यक्ष, सचिन पाषाणकर, माजी नगरसेवक दीपक पोटे, प्रल्हाद सायकर, राहुल कोकाटे, सचिन दळवी, मोरेश्वर बालवडकर, अस्मिता करंदीकर, उमा गाडगीळ आदी कार्यकर्ते, पदाधिकारी उपस्थित होते.

यावेळी चंद्रकांत दादा पाटील यांनी लहु बालवडकर यांच्या आरोग्य सेवेचं भरभरून कौतुक केले. तसेच कोविडचा काळ सगळ्यांनी अनुभवायला आहे. त्यानंतर आपल्या सर्वांच्या आयुष्यात आरोग्याचं महत्त्व आणखी वाढलं आहे. अशा परिस्थितीत अशी आरोग्य शिबीर सर्वांसाठी मोफत घेणे, हे अत्यंत कौतुकास्पद आहे. बालवडकर यांनी घेतलेल्या शिबीरात अजून लोकांनी येऊन आपल्या आरोग्याची तपासणी करून घ्या, असे आवाहन देखील त्यांनी यावेळी केले. तसेच यापासून अशी शिबिरे प्रत्येकाने घेतली पाहिजेत, भरवली पाहिजेत, असेही चंद्रकांत दादा पाटील यांनी म्हटले.

दरम्यान, अटल सेवा महाआरोग्य शिबीराचे वैशिष्ट्ये म्हणजे सर्व तपासण्या आणि शस्त्रक्रिया अगदी मोफत होणार आहेत. यासाठी मुंबई, पुणे आणि पिंपरी चिंचवड येथील ६० नामांकित रूग्णालय आणि तज्ञ डॉक्टर सहभागी झाले आहेत. आज अनेक लोकांनी प्रत्यक्ष शिबिरात येऊन तपासण्या केल्या. त्यावर डॉक्टरांनी औषध उपचार देखील केलेत. अशी आरोग्य सेवा करण्याचे भाग्य मला मिळाले आहे. ही सेवा अशीच पुढे चालत रहो आणि हे शिबिर उद्यादेखील सुरू राहणार आहे. त्यामुळे ज्यांनी ज्यांनी अजून या शिबिरात भेट दिली नाही. त्यांनी याठिकाणी येऊन तपासण्या, चाचण्या करून घ्याव्यात, असे आवाहन लहु बालवडकर यांनी केले आहे.

केंद्राच्या निधीचा दुरुपयोग करून पर्यावरणाची मोठ्या हानी करून हा प्रकल्प पुढे रेटण्यात येत आहे :- खासदार मेधा कुलकर्णी.

बाणेर :

पिंपरी चिंचवड महानगरपालिके तर्फे पिंपळे नीलख परिसरात नदीमध्ये भराव टाकून नदी सुधार प्रकल्पांतर्गत मोठ्या प्रमाणात कामे चालू आहेत. परंतु या मुळे नदी पात्र अरुंद होऊन याचा धोका विरूद्ध बाजूस असणाऱ्या बाणेर ,बालेवाडी परिसरास होणार आहे. तसेच यात मोठ्याप्रमाणात पर्यावरणाची देखील हाणी होत आहे. या संदर्भात राज्यसभा खासदार मेधा कुलकर्णी यांनी बाणेर येथील मुळा नदी व राम नदी संगमाच्या ठिकाणी महानगरपालिका आयुक्त व आधिकर्यांसमावेत स्थळ पाहणी दौऱ्याचे आजोजन केले होते. यावेळी अनेक गंभीर बाबी पर्यावरण प्रेमी नागरिकांनी पुणे महानगरपालिकांच्या आयुक्त व अधिकाऱ्यांच्या निदर्शनास आणून दिल्या.

या ठिकाणी नदीच्या किनारी शेकडो वर्ष जुनी अशी दुर्मिळ झाडे आहेत. जी पर्यावरणाचा समतोल राखण्यासाठी गरजेची असतात.

राज्यसभा खासदार मेधा कुलकर्णी

पिंपरी चिंचवड महानगरपालिकेच्या बाजुच्या नदीमध्ये मोठ्या प्रमाणात विकास कामे चालू आहेत नदी पात्रात भराव टाकून नदीचे पात्र अरूंद करण्यात येत आहे यासंदर्भात पिंपरी-चिंचवड महानगरपालिकेच्या आयुक्तांना फोन करून काम थांबवण्याच्या सूचना केल्या आहेत. या ठिकाणी राम नदी व मुळा नदी संगमाच्या ठिकाणी शेतडो वर्ष जुनी दुर्मिळ झाडे आहेत . अधिकारी डी पी आर तयार आहे असे सांगतात, तर डी पी आर नाही असे, ही सांगतात प्रशासनाच्या मध्येच ताळमेळ दिसून येत नाही. प्रशासनाकडून कोणत्याही प्रकारे माहिती न देता मोठ्या प्रमाणात वृक्षतोड करण्यात येत आहे. दुर्मिळ झाडे तोडण्यात येत आहेत. ही पर्यावरणाची मोठ्या प्रमाणात हानी होत आहे.

मागील पावसाळ्याचा अनुभव बघता पावसाळ्यामध्ये बाणेर बालेवाडी परिसरामध्ये नदीचे पात्र पूर्ण भरलेले असते. हे पात्र भरून रहिवासी तसेच नदी कडेला असलेल्या सोसायटी मध्ये मोठ्या प्रमाणात नदीचे पाणी शिरल्याचे दिसून येते. नदीच्या कडेला ही विकास कामे चालू झाल्यानंतर अनेक रहिवासी भागांमध्ये पहिल्या मजल्यापर्यंत नदीचे पाणी शिरल्याचे दिसून आले आहे . अनेक नागरिकांना त्यांची घरे सोडून दुसऱ्या ठिकाणी राहावे लागले होते. त्यामुळे असे वाटत आहे की हा पूर मानवनिर्मित होता याला महानगरपालिकाच जबाबदार आहे. त्यामुळे या चुकीच्या चाललेल्या कामांवर लवकर इलाज करणे गरजेचे आहे ही चुकीची कामे थांबवण्याची आवश्यकता आहे.

याबाबत पिंपरी-चिंचवड महानगरपालिका व पुणे महानगरपालिकेच्या आयुक्ताना कामे थांबवण्याच्या सूचना करण्यात आल्या आहेत, व यासंदर्भात विभागीय आयुक्त दोन्ही महानगरपालिकेच्या आयुक्तांसमवेत बैठकीचे नियोजन देखील आले आहे. या नदीमध्ये चाललेल्या चुकीच्या कामा संदर्भातला विषय मी या आधीच केंद्रीय मंत्री पी डी पाटील यांच्याकडे मांडलेला आहे. हा प्रकल्प केंद्राचा निधी वापरून करण्यात येत आहे या केंद्राच्या निधीचा दुरुपयोग करून पर्यावरणाची मोठ्या हानी करून हा प्रकल्प पुढे रेटण्यात येत आहे. या कामांची दखल महानगरपालिकेने तातडीने घ्यावी घ्यावी अन्यथा होणाऱ्या परिणामांना महानगरपालिका सर्वस्वी जबाबदार असेल असे मतही मेेधा कुलकर्णी यांनी मांडले.

राजेंद्र भोसले ( आयुक्त पुणे महानगरपालिका )

या नदी सुधार प्रकल्पाबाबत पुन्हा एकदा तज्ञांकडून सल्ला घेण्यात येईल. बंड गार्डन परिसरात जे झाले ते या ठिकाणी होऊ नये याची दक्षता घेतली जाईल. व या प्रकल्पामुळे ज्या काही समस्या निर्माण झाल्या आहेत निरसन करण्यात येईल.

यावेळी शैलजा देशपांडे, अजय पाठक, गणेश कळमकर , विनय घाटे , श्रीकांत गबाले , आमेय जगताप, मृणाल घारे, प्राजक्ता महाजन , शुभा कुलकर्णी, मेघना भंडारी , राहुल कांबलेकर, अस्मिता करंदीकर , उमा गाडगीळ ,पी डी तारे तसेच परिसरातील विविध पर्यावरण प्रेमी संघटनांचे सदस्य व पर्यावरण प्रेमी नागरिक उपस्थित होते.

आमच्या मागण्या :

1. PCMC द्वारे मुळा नदीपात्रातील सर्व डंपिंग तात्काळ थांबवणे.

2. नाले आणि नद्यांवरील सर्व अतिक्रमणे आणि डम्पिंग हटवणे आणि वाहिन्यांचे रुंदीकरण.

3. वृक्षतोड त्वरित थांबवा आणि पर्यावरणाचे रक्षण करा.

4. मुळा नदी व तिच्या नाल्यांची लवकरात लवकर स्वच्छता.

5. नदीतील जलकुंभाच्या वाढीवर नियंत्रण ठेवा.

6. 26 जून 2024 च्या माननीय मुंबई उच्च न्यायालयाच्या आदेशानुसार (पीआयएल क्र. 36/2021), सर्व पुणे नद्यांसाठी पूर जोखीम रेषा (निळ्या आणि लाल पूर रेषा) चे शास्त्रोक्त पद्धतीने पुनर्मूल्यांकन करा. हे पुनर्मूल्यांकन पूर्ण होईपर्यंत कोणत्याही नदीवर कोणतेही विकास काम होऊ देऊ नये.

सरकार हे आपल्या नद्या-नाल्यांचे मालक नसून संरक्षक आहे. नागरिकांची सुरक्षितता आणि सुरक्षितता सुनिश्चित करणे आणि नैसर्गिक पर्यावरणाचा नाश होण्यापासून संरक्षण करणे ही त्याची प्राथमिक जबाबदारी आहे.आमचे जीवन आणि पर्यावरणाचे रक्षण करण्यासाठी आम्ही तुम्हाला जलद पावले उचलण्याची विनंती करतो.

बालेवाडी :

आरोग्य हीच सर्वात मोठी संपत्ती असून निरोगी आयुष्य हेच माणसांच्या जीवनाचे खरी महत्व आहे. त्यामुळेच खर्जिक आजारांवरती उपचार हे पूर्ण:त मोफत मिळावे, असा संकल्प ठेऊन भाजपचे शहर चिटणीस लहु बालवडकर यांनी भव्य अशा ‘अटलसेवा महाआरोग्य’ शिबीराचं आयोजन केले आहे. लहू बालवडकर सोशल वेलफेअर व ‘सनराईस मेडिकल फाऊंडेशन’ यांच्या संयुक्त विद्यमाने होणाऱ्या या शिबीराचं आयोजन येत्या २४ व २५ जानेवारी २०२५ रोजी सकाळी ०९ : ३० वाजेपासून सायंकाळी ०५ : ०० वाजेपर्यंत ‘बालेवाडी, हायस्ट्रीट ग्राऊंड पुणे” येथे करण्यात आले आहे. त्याची जय्यत तयारी देखील पुर्ण झाली आहे.

२४ जानेवारीला राज्याचे उच्च व तंत्रशिक्षण मंत्री चंद्रकांत पाटील रोजी तर केंद्रीय राज्यमंत्री मुरलीधर मोहोळ यांच्या हस्ते २५ जानेवारी रोजी ‘अटल सेवा महाआरोग्य’ शिबीराचे उद्घाटन होणार आहे. अटल सेवा महाआरोग्य शिबीराचे वैशिष्ट्ये म्हणजे सर्व तपासण्या आणि शस्त्रक्रिया अगदी मोफत होणार आहेत. यासाठी मुंबई, पुणे आणि पिंपरी चिंचवड येथील ६० नामांकित रूग्णालय आणि तज्ञ डॉक्टर सहभागी होणार आहेत.

जर्मन टेक्नॉलॉजी मशीनच्या सहाय्याने ३८ आजारांवरील रक्त चाचण्या ज्याला १५००० रूपये मोजावे लागतात. त्या अगदी मोफत केल्या जाणार आहेत. यासह गुडघ्याचे तसेच मणक्याचे उपचार बिना शस्त्रक्रिया केली जाणारआहे. गुजरातमधील प्रसिध्द तज्ञ पन्नास डॉक्टारांच्या साह्याने प्राचीन निरोआयुर्वेदिक पद्धतीने खांदा दुखी, सांधेदुखी, खुबा शरीराच्या व्याधी शिबिरात कमी केल्या जाणार आहेत. मोफत चष्मे वाटप, मोफत औषध वाटप, कर्णबधीर व्यक्तींना मोफत श्रवण यंत्र वाटप आदी तापसण्या, चाचण्या अगदी मोफत केल्या जाणार आहेत.

या कार्यक्रमाला राज्यमंत्री माधुरी मिसाळ, राज्यमंत्री मेघनाताई बोर्डीकर, राज्यसभा खासदार डॉ. मेधाताई कुलकर्णी, आमदार योगेश टिळेकर, आमदार सुनील कांबळे, आमदार राहुल कुल, माजी आमदार जगदीश मुळीक, भाजपचे महामंत्री राजेश पांडे, भाजपच्या पुणे शहराच्या महिला अध्यक्षा हर्षदा फरांदे, सरचिटणीस पुनीत जोशी, माजी उपसभापती बाळासाहेब चांदेरे, माजी नगरसेवक ज्ञानेश्वर तापकीर, भाजपचे युवा मोर्चाचे अध्यक्ष करण मिसाळ, पुणे श्रमिक पत्रकार संघाचे अध्यक्ष सुमित भावे यांच्यासह अनेक कार्यकर्ते, पदाधिकारी २५ जानेवारीला उपस्थित राहणार आहेत. तर आमदार महेश लांडगे, आमदार सिध्दार्थ शिरोळे, आमदार शंकर जगताप, आमदार शंकर मांडेकर, आमदार भीमराव तापकीर, भाजपचे शहराध्यक्ष धीरज घाटे, उपाध्यक्ष संजय काकडे, डिजिटल मिडया संपादक पत्रकार संघटनेचे अध्यक्ष राजा माने, भाग संचालक सुभाष कदम २४ जानेवारीला आदी उपस्थित होणार आहेत.

दरम्यान, ज्येष्ठ नागरिक, सर्व महिला-पुरूष वर्ग, पत्रकार बंधु-भगिनी, विद्यार्थी, तरूण वर्ग, महिला बचत गट, सफाई कामगार वर्ग, महापालिका कर्मचारी वर्ग, तसेच पुण्यातील सर्व व्यक्तींनी या शिबीराला अवश्य भेट द्या. तसेच तुमच्या प्रत्येक आजारांवर याठिकाणी शस्त्रक्रिया, तपासण्या, चाचण्या, मार्गदर्शन, अगदी मोफत केल्या जाणार आहेत. आपल्याला ही आरोग्य क्रांती अशीच पुढे घेऊन जायची आहे आणि प्रत्येकांचं आयुष्य निरोगी ठेवायचं आहे. त्यामुळे सर्वांनी या शिबिराचा अवश्य लाभ घ्या. असे आवाहन लहु बालवडकर यांनी केले आहे.