पाषाण :
वसुंधरा स्वच्छता अभियान, पुणे यांच्या वतीने पाषाण-सूस रस्त्यावरील शुभतेज मंगल कार्यालय येथे ११ एप्रिल ते १३ एप्रिल या कालावधीत तीन दिवसीय नैसर्गिक शेती धान्य महोत्सव होणार आहे.
“वसुंधरा धान्य महोत्सव” हा वार्षिक कार्यक्रम असून त्याचे हे ९ वे वर्ष आहे. शेतकऱ्यांना त्यांच्या विषमुक्त अन्नधान्याचे प्रदर्शन करण्यासाठी व्यासपीठ उपलब्ध करून देणे तसेच पुणेकरांना थेट शेतकऱ्यांकडून विषमुक्त उत्पादन विकत घेण्याची आणि त्याचा साठा करण्याची संधी देणे हे दुहेरी उद्दिष्ट आहे. शाश्वत आणि विषमुक्त शेतीच्या “सुभाष पाळेकर कृषी” तंत्राचा वापर करणाऱ्या शेतकऱ्यांना प्रोत्साहन देणे हा या महोत्सवाचा मुख्य उद्देश आहे. या महोत्सवात महाराष्ट्रातील विविध भागातील शेतकरी सहभागी होतात. मोठ्या संख्येने शेतकरी उत्सवाचा भाग बनू इच्छित असतात, पण किमान तीन वर्षांपासून या तंत्राचा वापर करणाऱ्या शेतकऱ्यांचीच निवड केली जाते.
यावर्षी महोत्सवात विविध प्रकारच्या शेतकऱ्यांचे ३०+ स्टॉल्स असतील. या महोत्सवात धान्य, कडधान्ये, बाजरी आणि गूळ, देशी गाईचे तूप, लाकडी घाण्याचे तेल इत्यादी शेतमालाचे वैविध्यपूर्ण मिश्रण असेल. या कार्यक्रमाचे आणखी एक प्रमुख आकर्षण म्हणजे खाद्यपदार्थांचे स्टॉल्स ज्यामध्ये विविध स्वादिष्ट पदार्थ मिळतील.
महोत्सवाचे उदघाटन सामाजिक, पर्यावरण व शेती क्षेत्रातील मान्यवर नागरिकांच्या हस्ते होणार आहे. या कार्यक्रमासाठी प्रमुख पाहुणे कृषी भूषण राजेंद्र भट आहेत. सन्माननीय पाहुणे राहुल कोकाटे (सामाजिक कार्यकर्ते), सनी विनायक निम्हण (माजी नगरसेवक व सामाजिक कार्यकर्ते), भास्कर कोकाटे (सामाजिक कार्यकर्ते) असतील.
सुभाष पालेकरांची नैसर्गिक शेती प्रणाली आरोग्यासाठी विषारी पदार्थांपासून सुरक्षित अन्न पुरवते, तर त्यात तापमान वाढ आणि हवामान बदलाचा सामना करण्याची शक्ती देखील आहे. वसुंधरा स्वच्छता अभियान चे दीपक श्रोते यांनी समस्त पुणेकरांना आवाहन केले की त्यांनी या संधीचा पुरेपूर लाभ घ्यावा, त्याद्वारे त्यांच्या कुटुंबाच्या चांगल्या आरोग्यासाठी एक सकारात्मक पाऊल उचलावे आणि ते करताना शाश्वत नैसर्गिक शेती करणाऱ्या शेतकऱ्यांना मदत करावी. “चला थेट शेतकऱ्यांकडून वर्षभरासाठी विषमुक्त धान्य खरेदी करूया, आपले आणि आपल्या कुटुंबाचे आरोग्य सुरक्षित करूया.”
महोत्सवाविषयी अधिक माहितीसाठी, कृपया डॉ. स्वाती (९६८९० ६३३०९) किंवा आनंद (८२३७० ६९४५६) यांच्याशी संपर्क साधावा
१. गेल्या पंधरा वर्षांपासून विषमुक्त नैसर्गिक शेती पद्धतीतून निर्माण अन्नधान्याचा आग्रह व वापर शहरी नागरिकांमधे वाढत आहे. विषमुक्त शेतमालास रास्त भाव आणि वर्षभर नियमित मागणी निर्माण झाल्याने अधिकाधिक शेतकरी सुनियोजित पद्धतीने, कमी पाण्यात नैसर्गिक शेती करत आहेत. – राजेश चवरे
२. नैसर्गिक शेती पद्धती अधिकाधिक शेतकऱ्यांनी अवलंबल्यानेच शेतकरी आत्महत्या, वाढते मानवी आजार, मृदा-जल-वायू प्रदूषण, जागतिक तापमानवाढ, भूपृष्ठ व भूजलाचा ह्रास यांना आळा घालण्यास मदत होईल. – डाॅ. स्वाती टिकेकर
