पुणे :
केंद्रातील नरेंद्र मोदी सरकारने केलेल्या इंधन दर वाढीच्या विरोधात आज पुणे शहर काँग्रेस पक्षाच्या वतीने तिव्र आंदोलन करण्यात आले. काँग्रेसचे सरचिटणीस अभय छाजेड यांच्या नेतृत्वाखाली काँग्रेसच्या कार्यकर्त्यांनी सातारा रोडवर इंधन दर वाढी विरोधात आंदोलन केले.या वेळी काँग्रेसच्या कार्यकर्त्यांनी केंद्रातील नरेंद्र मोदी सरकार विरोधात जोरदार घोषणाबाजी केली. तसेच दुचाकी ढकलत काँग्रेसच्या कार्यकर्त्यांनी मोदी सदकारचा निषेध केला.
यु.पी.ए. सरकारच्या काळात आरराष्ट्रीय बाजारामध्ये इंधनाचे दर खुप जास्त असताना देखिल यु.पी.ए. सरकारने सर्वसामान्य लोकांना इंधन योग्य दरात विक्री केले. मात्र एन.डी.ए. सरकारच्या काळात आंतरराष्ट्रीय बाजारात इंधनाचे दर खुप कमी असताना देखिल एन.डी.ए. सरकार खुप जास्त दर आकारून लोकांना इंधन विक्री करत आहे. ही एकप्रकारे सर्वसामान्य जनतेची लूट आहे. सन २०१४ ला यु.पी.ए. ची सत्ता असताना केंद्रीय मंत्री स्मृती ईराणी या इंधन दरवाढी विरोधात सारखे रस्त्यावर उतरून आंदोलन करायच्या, मात्र आता स्मृती ईराणी कुठे गेल्या. त्यांना आता झालेली इंधन दर वाढ दिसत नाही का ? असा सवाल यावेळी अभय छाजेड यांनी उपस्थित केला.
यावेळी प्रदेश काँग्रेसचे चिटणीस संजय बालगुडे, पुणे मनपा चे काँग्रेस पक्षाचे गटनेते आबा बागुल तसेच माजी महापौर कमलताई व्यवहारे, महिला काँग्रेसच्या अध्यक्षा सोनाली मारणे, युवक काँग्रेसचे अध्यक्ष विशाल मलके, पी.एम.टी. चे माजी चेअरमन सुधीर काळे, माजी नगरसेवक बंडु नलावडे, लोकाध्यक्ष रमेश सोनकांबळे अदी कार्यकर्ते या आंदोलनात सहभागी झाले होते.
