पुणे :
महापालिका निवडणुकीच्या तोंडावर झालेल्या पुणे महानगर नियोजन समितीच्या निवडणुकीत नागरी गटातून काँग्रेसच्या एकमेव उमेदवार चंदूशेठ कदम यांचा पराभव झाला आहे त्यामुळे ही निवडणूक बिनविरोध न करता भाजपच्या १४ हक्काच्या जागांमधून त्यांना किमान एका जागेवर रोखून १३ वर नेण्याचे कॉंग्रेसचे स्वप्न, आघाडी धर्म पाळायचा कोणी ? कोणी कोणाला रोखायचे ? अशा प्रश्नांनी धुळीस मिळाले आहे. भाजपाला रोकून आघाडीत सर्वच घटक पक्षांचे अस्तित्व दिसावे या साठी धडपडलेल्या काँग्रेसला मोठा धक्का बसला आहे. या निवडणुकीमुळे महाविकास आघाडीतही मिठाचा खडा पडला हे स्पष्ट झाले आहे.
पुणे महानगर नियोजन समितीच्या पुणे आणि पिंपरी-चिंचवड नागरी क्षेत्रात असलेल्या 23 जागांसाठी ही निवडणूक झाली होती. पुणे महापालिका आणि पिंपरी-चिंचवड महापालिकेत भाजप, राष्ट्रवादी आणि शिवसेनेचे संख्या व अतिरिक्त संख्याबळ पाहता या 22 जागामध्ये राष्ट्रवादीचे 7, भाजपचे 14 आणि शिवसेनेचा 1 सदस्य मतांच्या कोटयानुसार निवडून जाणार हे अपेक्षित होते.काँग्रेसचे पुण्यात 10 सदस्य आहेत, पिंपरी त मात्र कोणीच नाहीत .
पुणे महानगर प्रदेश विकास प्राधिकरणाच्या (पीएमआरडीए) पुणे महानगर नियोजन समितीच्या निवडणूकीमध्ये ग्रामीण क्षेत्रातील 7 जागांपैकी 2 जागांवर राष्ट्रवादी काँग्रेसच्या दोन उमेदवारांनी पहिल्या पसंतीच्या मतांमध्ये बाजी मारली आहे.त्यामध्ये प्रियांका पठारे आणि वसंत भसे हे निवडून आले आहेत. तर छोटे नागरी क्षेत्र म्हणजेच नगरपालिकामधून एका जागेवर राष्ट्रवादी काँग्रेसचे संतोष भेगडे विजयी झाले आहेत.
विजयी उमेदवार
१) अविनाश साळवे – शिवसेना
२) दिलीप बराटे – राष्ट्रवादी
३) राजेंद्र शिळीमकर – भाजप
४) मंगला मंत्री -भाजपा
५) मोरेश्वर भोंडवे – राष्ट्रवादी
६) राणी भोसले – भाजप
७) वसंत बोराटे- भाजप
८) वैशाली बनकर – राष्ट्रवादी
९) चंद्रकांत नखाते – भाजप
१०) सचिन दोडके – राष्ट्रवादी
११) किरण दगडे – भाजप
१२) नामदेव डाके – भाजप
१३) अनिल टिंगरे -भाजप
१४) बाबुराव चांदेरे – राष्ट्रवादी
१५)प्रवीण चोरबेले – भाजप
१६) हरिदास चरवड – भाजप
१७) वैशाली घोडेकर – राष्ट्रवादी
१८) जयश्री गावडे – भाजप
१९) निर्मला गायकवाड – भाजप
२०) अजित गव्हाणे – राष्ट्रवादी
२१) ज्योती कळमकर -भाजपा
२२) संदीप कस्पटे -भाजप
मोठे महानगर क्षेत्र एकूण जाागा- 22
भाजप -14
राष्ट्रवादी काँग्रेस -7
शिवसेना-1
छोटे महानगर क्षेत्र (नगरपालिका) एकूण जागा-1
राष्ट्रवादी काँग्रेस -1
ग्रामीण ग्रामपंचायत क्षेत्र एकूण जागा 7
राष्ट्रवादी काँग्रेस -4
भाजपा -2
अपक्ष -1
पुणे महानगर नियोजन समितीच्या सर्व तीस जागांचा निकाल..
भाजप -16
राष्ट्रवादी काँग्रेस -12
शिवसेना -1
अपक्ष-1
